kumar_sangakkara_1550020c

සංගා එක්දින ශ්‍රේණියේ අංක 3 දක්වා ඉහළට

ජාත්‍යන්තර ක්‍රිකට් කවුන්සලය මගින් ප්‍රකාශයට පත්කර ඇති අලුත්ම ටෙස්ට් සහ එක්දින ක්‍රීඩක ශ්‍රේණිගත කිරීම් අනුව ශ්‍රී ලංකාවේ කුමාර් සංගක්කාර එක්දින ශ්‍රේණියේ තෙවැනි ස්ථානය දක්වා ඉහළට පැමිණ තිබේ. පසුගියදා නිමාව දුටු දකුණු අප්‍රිකාවට එරෙහි තරගාවලියේදී පිත්තෙන් විශිෂ්ට දස්කම් දක්වමින් තරගාවලියේ වීරයා වූ සංගක්කාර දකුණු අප්‍රිකාවේ හෂීම් අම්ලා සහ ඒ.බි. ඩිවිලියර්ස්ට පසුපසින් සිටියි.

සංගක්කාර මේ වනවිට 2013 වසරේ වැඩිම එක්දින ලකුණු ලැබූ පිතිකරුවන් අතරද පෙරමුණ ගෙන සිටින අතර ඔහු ටෙස්ට් ශ්‍රේණියේද 5 වැනි ස්ථානයේ පසුවෙයි. මුරලිදරන්ගෙන් පසු ලෝක පන්දුයවන්නන්ගේ ශ්‍රේණිගත කිරීම්වලට පැමිණි රංගන හේරත් ටෙස්ට් හා එක්දින ශ්‍රේණියේ පළමු 10 දෙනා අතර සිටීම කැපී පෙනෙන දක්ෂතාවයකි. රංගන මේ වනවිට ටෙස්ට් පන්දු යවන්නන් අතර තෙවැනි ස්ථානයේ පසුවෙන අතර ඔහුට ඉදිරියෙන් දකුණු අප්‍රිකාවේ ඩේල් ස්ටේන් හා වර්නන් පිලැන්ඩර් පසුවෙති. රංගන ලෝක එක්දින ශ්‍රේණියේද 6 වැනි ස්ථානයේ පසුවෙන අතර ඉන්දියාවේ රවීන්ද්‍ර ජඩේජා පළමුවරට එහි ප්‍රථම ස්ථානය දිනාගැනීමට සමත්වී සිටියි. ශ්‍රී ලංකාවේ ටී.එම්. ඩිල්ෂාන් ලෝක එක්දින පිතිකරු ශ්‍රේණියේ 6 වැනි ස්ථානයේ පසුවෙන අතර එක්දින තුන් ඉරියව්වෙන්ම කැපී පෙනෙන ක්‍රීඩක ලැයිස්තුවේ 4 වැනි ස්ථානයේ සිටියි. මැතිව්ස්ට හිමිවී ඇත්තේ එහි 6 වැනි ස්ථානයයි.

Source:lakbima

Check Also

LAT_SRI_LANKA_CRICK_500885g

සැළලිහිණියා ආයෙත් ක්‍රිකට් පිටියට

ඉදිරි වසර තුනක කාලයක් සඳහා ශ්‍රී ලංකා ක්‍රිකට් තරග විකාශය ජාතික රූපවාහිණියට පිරිනැමීමට ශ්‍රී ලංකා ...

cricketkeli

IPL ගිය අපේ දෙන්නෙක් නිළියක් එක්ක කාමරයක

පසුගියදා ඉන්දියාවේ පැවැති මුම්බායි ඉන්දියන් හා චෙන්නායි සුපර් කිංග්ස් අතර IPL ක්‍රිකට් අවසන් මහා තරගය ...