දිමුත් කරුණාරත්න මංගල ටෙස්ට් ශතකය වාර්තා කරයි.

නවසීලන්තයට එරෙහි තරගයේ ශ්‍රී ලංකා ආරම්භක පිතිකරු දිමුත් කරුණාරත්න සිය මංගල ටෙස්ට් ශතකය වාර්තා කළේ ය.

ශ්‍රී ලංකා කණ්ඩායම සහ නවසීලන්තය අතර ක්‍රයිස්චර්ච් හැග්ලි ඕවල් පිටියේ පැවැත්වෙන තරගයේ අද තුනවැනි දිනය යි.

ඉනිමක පරාජයෙන් බේරීම සඳහා නැවතත් පන්දුවට පහර දෙන ශ්‍රී ලංකාව අද තරගය ආරම්භ වන විට කිසිවෙකු නොදැවී ලකුණු 84ක් රැස් කරගෙන සිටියේ ය.

ආරම්භක පිතිකරු කෞශාල් සිල්වා ලකුණු 33ක් රැස් කළේ ය.

මංගල ටෙස්ට් ශතකය වාර්තා කළ දිමුත් කරුණාරත්න ලකුණු 152ක් රැස් කළේ 4 පහර 17ක් ද සමගිනි.

ඇන්ජෙලෝ මැතිව්ස් 20 වැනි ටෙස්ට් අර්ධ ශතකය අද වාර්තා කිරීමට සමත් විය.

දිනය අවසානයේ ශ්‍රී ලංකා කණ්ඩායම දෙවැනි ඉනිම සඳහා කඩුලු 5කට ලකුණු 293ක් රැස් කර ගත්තේ ය.

ඒ අනුව ශ්‍රී ලංකාව නවසීලන්ත පළමු ඉනිමට වඩා ලකුණු 10ක් පිටුපසින් සිටී.

Check Also

සංගා එජාපයෙන් මහ ඡන්දෙට

විටින් විට ක්‍රීඩා ක්ෂේත්‍රය හා දේශපාලනය ක්ෂේත්‍රය උණුසුම් කරනු ලබන කුමාර් සංගක්කාරගේ දේශපාලන ආගමනය පිළිබද ...

සැළලිහිණියා ආයෙත් ක්‍රිකට් පිටියට

ඉදිරි වසර තුනක කාලයක් සඳහා ශ්‍රී ලංකා ක්‍රිකට් තරග විකාශය ජාතික රූපවාහිණියට පිරිනැමීමට ශ්‍රී ලංකා ...