අඩුපාඩු සකසාගෙන තරගයට මුහුණ දෙනවා-මහේල

පළමු තරගයේ දී සිදුවු අඩුපාඩු සකසා ගනිමින් අද (24) පැවැත්වෙන තරගයේ දී ඉන්දියානු කණ්ඩායමට ප්‍රබල අභියෝගයක් එල්ල කිරීමට බලාපොරොත්තු වන බව ශ්‍රී ලංකා කණ්ඩායමේ නායක මහේල ජයවර්ධන පවසයි.

ඉන්දියානු කණ්ඩායම සමඟ පැවැත්වෙන එක්දින තරගාවලියේ දෙවන තරගය අද පස්වරුවේ හම්බන්තොට සූරියවැව ක්‍රීඩාංගණයේ දී ආරම්භවීමට නියමිතය.

තරගය සම්බන්ධයෙන් ඊයේ (23) පස්වරුවේ පැවති මාධ්‍ය හමුවේ දී ශ්‍රී ලංකා කණ්ඩායමේ නායක මහේල ජයවර්ධන මෙලෙස අදහස් පළ කළා.