කොළඹට එන නැවක් ගිනි ගනී

රසායනික ද්‍රව්‍ය ටොන් 55,000 ක් රැගෙන කොළඹ වරායට පැමිණෙමින් තිබූ නෞකාවක් ඉන්දියාවේ මුම්බායි ආසන්න මුහුදේදී ගිනිගෙන තිබේ. ඉන්දීය වෙරළාරක්ෂක යාත්‍රා මෙම ගින්න මැඩපැවැත්වීමට දැඩි උත්සාහයක නිරතවන අතර එහි කාර්ය මණ්ඩලය බේරාගෙන තිබේ. හෙට (11) කොළඹ වරායට ලඟාවීමට තිබූ මෙම නෞකාවේ ඇති රසායනික ද්‍රව්‍ය සාගරයට එකතුවුවහොත් එය සාගර ජීවීන් ඇතුළු සමස්ථ පරිසරයට දැඩි විනාශකාරී වනු ඇතැයි පරිසරවේදීහු පෙන්වාදෙති.