ජැකී චෑන් මියගිය කතාව බොරුවක්ලූ

හොලිවුඩයේ සුප‍්‍රසිද්ධ නළු ජැකී චෑන් අලූතින් විවාහ ගිවිස ගැනීමක් සිදු කළ බවත්
ඉන් පසු දිනයේ රූගත කිරීමක් අතරතුර ගොඩනැගිල්ලක තට්ටු 12 කින් බිමට වැටී මියගොස් ඇති බවටත් පසුගිය සඳුදා ආරංචියක් පැතිර ගිය අතර මෙම කතාව මුළුමණින්ම අසත්‍යයක් බව ඔහු අද ප‍්‍රකාශයක් නිකුත් කර තිබෙනවා.
හොංකොං දේශයේ හැදී වැඞී සටන් කලාව ප‍්‍රගුණ කර ඒ ආශ‍්‍රිත චිත‍්‍රපට නිර්මාණය කිරීම නිසා ජනප‍්‍රියත්වයට පත්ව සිටින ජැකී චෑන් දැන් 59 හැවිරිදි වියේ පසුවෙනවා.
ඔහු හොලිවුඩයේ වැඩිම චිත‍්‍රපට ගණනක් නිර්මාණය කිරීමේ වාර්තාවක්ද උසුලන අතර ඔහුගේ චිත‍්‍රපට බොහොමයක් විකට සහ ත‍්‍රාසජනක ඒවාය.
තමන් ඉන්දියාවේ සංචාරයක නිරතවූ බවත් එහි සිට යළි චීනයේ බීජිං දක්වා ගුවන් යානයකින් යන අතර තමන්ගේ විවාහ ගිවිස ගැනීමක් ගැන හා හදිසි අනතුරක් ගැන ආරංචි ලොව පුරා පැතිර ඇති බවත් දිගින් දිගටම එන දුරකථන ඇමතුම් නිසා තමන් මිය නොගිය බවට ප‍්‍රකාශයක් නිකුත් කරන්නට සිදුවූ බවත් ජැකී චෑන් ඉහත සිද්ධිය ගැන සිය ෆේස් බුක් පිටුවෙන් අදහස් පළකරමින් දන්වා සිටිනවා.

ඔහුගේ නිවේදනය පහත පරිදිය.

“Hi everybody! Yesterday, I got on a 3am flight from India to Beijing. I didn’t get a chance to sleep and even had to clean my house when I got home. Today, everybody called to congratulate me on my rumored engagement. Afterward, everybody called me to see if I was alive.
“If I died, I would probably tell the world! I took a photo with today’s date, just in case you don’t believe me! However, thank you all for your concern. Kiss kiss and love you all!