දිඹුලාගල කුඹුරු යායකට ආකාස වස්තුවක් කඩා වැටෙයි

දිඹුලාගල කුඩාවැව කුඹුරු යායේ ගොයමට වතුර හැරවීම සඳහා පෙරේදා (29) රාත්‍රියේ කුඹුරුවලට ගිය ගොවීන් අලෝකය විහිදුවමින් කුඹුරුවලට වැටෙන කිසියම් දෙයක් දැක ඉන් බිය පත්වී ආපසු නිවෙස් වෙත පැමිණි සිද්ධියක් වාර්තා වේ.

පසුවදා (30) උදෑසන ඔවුන් නැවත කුඹුරුවලට ගොස් බැලූ විට තැන තැන විසිරුණු කළු පැහැති පාෂාණ කැබලි වැටී තිබෙනු දැක ඇත.

වැටී තිබූ සමහර පාෂාණ කැබලි ඉතාම කුඩා බවත් ඇතැම් ඒවා තරමක් විශාල බවත් එම කුඹුරු යායේ ගොවීහු පවසති.