පේරාදෙනිය නිවසක පිළිස්සුණු කාන්තා මළ සිරුරක්

පේරාදෙනිය, ඔගස්ටාවත්ත ප්‍රදේශයේ නිවසක තිබී පිළිස්සුණු කාන්තා මළ සිරුරක් සොයාගෙන තිබේ.

තනිවම නිවසක් තුළ පදිංචිව සිටි මෙම කාන්තාව සැක කටයුතු ලෙස මෙලෙස මියයෑම සම්බන්ධයෙන් පරීක්ෂණ ආරම්භකර ඇති බව පේරාදෙනිය පොලීසිය සඳහන් කරයි.

මෙලෙස මිය‍ගොස් ඇත්තේ 93 හැවිරිදි ඔගස්ටාවත්ත ප්‍රදේශයේ පදිංචි කාන්තාවකි.

පශ්චාත් මරණ පරීක්ෂණය අද(15) දිනයේ සිදුකිරීමට නියමිත බව පේරාදෙනිය පොලීසිය සඳහන් කරයි.