Ceylon Radio
රට තුළ පවතින වාණිජ බැංකු සහ මූල්ය ආයතන විසින් ගත වූ මැයි මාසය දක්වා රත්රන් උකසට ගෙන රුපියල් කෝටි 63,300ක් ණය ලෙස ලබාදී ඇතැයි විදුලි සංදේශ හා තොරතුරු තාක්ෂණ ඇමැති රංජිත් සියඹලාපිටිය මහතා පාර්ලිමේන්තුවේදී ඊයේ (7) ප්රකාශ කළේය.
එම කාලය තුළ වාණිජ බැංකු විසින් රුපියල් කෝටි 59,000ක් රන් ණය ලෙස ලබාදී ඇතැයි පෙන්වාදුන් ඇමැතිවරයා එය මුළු ණය ප්රමාණයෙන් සියයට 20ක් බවද කීවේය.
මූල්ය සමාගම් විසින් රන් ණය ලෙස කෝටි 3200ක් ලබාදී ඇතැයි ද උකස් ආයතන විසින් රුපියල් කෝටි 1100ක් ලබාදී ඇති බවද සියඹලාපිටිය මහතා කීය. රේගු ආඥා පනත යටතේ නියෝග ඉදිරිපත් කිරීමේ විවාදයට එක්වෙමින් ඇමැතිවරයා මෙසේ කීවේය.
