වෛද්‍ය පීඨ සිසුවා ගෙළ වැළලා ගෙන නසී

ගෙළ වැළලා ගෙන මියගොස් සිටි වෛද්‍ය පීඨ සිසුවෙකුගේ මළ සිරුරක් වව්නියාව, උක්කුලාන් කලම් ප්‍රදේශයේදී (28) දා හමුවී ඇත. මරණයට පත්ව ඇත්තේ මුලතිව් පුදුකුඩිරිප්පු හි පදිංචිකරුවෙකු වන 21 හැවිරිදි පුද්ගලයෙකි. මියගිය අය උසස් පෙළ විභාගයට පෙනී සිට මුලතිව් දිස්ත්‍රිකයෙන් දෙවෙනියා ලෙස සමත්ව ඇතැයිද පසුව වෛද්‍ය පීඨයට තේරී ඇති අතර අධ්‍යයන කටයුතු ආරම්භ වනතෙක් වව්නියාව උක්කුලාන්කුළම් ප්‍රදේශයට පැමිණ පදිංචි වී සිටි බවද පොලිසිය කියයි. මෙය සියදිවි නසා ගැනීමක් බව පොලිසිය කියයි.