ශ්‍රී ලංකාවෙන් නව ලෝක වාර්තාවක්

ලෝකය තුළ ඉතාමත් ජනප‍්‍රිය අන්තර්ජාල සෙවුම් යන්ත‍්‍ර අතර මුල් තැන ගන්නා ගූගල් සෙවුම් යන්ත‍්‍රය මගින් පළකළ නවතම වාර්ථාවේ 2012 වසර තුළ වැඩිපුරම ලිංගිකත්වය සම්බන්ධව සොයා ඇති රට වන්නේ ශ‍්‍රී ලංකාවයි. 2012 වසරට අදාළව ගූගල් ආයතනය විසින් මෙම සමීක්ෂණය කර ඇති අතර මේ යටතේ 02 වැනි ස්ථානය හිමිව ඇත්තේ අසල්වැසි ඉන්දියාවටය.

ගූගල් සෙවුම් යන්ත්‍රය භාවිතා කරමින් ලිංගිකත්වයට අදාළ කරුණු වැඩි වශයෙන් ශ්‍රී ලාංකිකයින් සොයා ඇත්තේ 2012‍.04.15 වැනිදා සිට 2012.04.21 සතියේදී හා 2012.12.23 සිට 2012.12.29 අතර දැනට ගතවන සතියේදී බව සමීක්ෂණයේදී අනාවරණය වී ඇත. එම සති දෙක වසරේ නිවාඩු සහිත වසර 2ක් බව පැහැදිළිය.

එසේම ඉන්දියාවේ 2012.11.11 සිට 17 දක්වා අතර සතියේදී මෙන්ම 2012.10.21 සිට 27 දක්වා සතියේදී ශ්‍රී ලාංකිකයින්ට වඩා මේ පිළිබඳ තොරුතුරු ගවේෂණය කර තිබේ. තවද ඒ පිළිබඳව වැඩි වශයෙන් තොරුතුරු සොයා ඇති රටවලින් ඉන්දියාවේ ප්‍රධාන නගර කිහිපයක් පෙරමුණ ගෙන තිබීමද විශේෂත්වයකි. ඒ අනුව බැංගලෝර්, චෙන්නායි, පූනේ, නවදිල්ලි හා කල්ක‍ටා යන නගර ඉදිරියෙන් සිටියි. එසේම පාකිස්තානයේ ලාහෝර් නගරය ද එකී පිළිවෙළේ ඉදිරියෙන් සිටින බව ගූගල් ආයතනය කළ සමීක්ෂණ වාර්තාවේ සඳහන් වෙයි.

මෙහි ලිංගිකත්වය පිළිබදව වැඩිපුරම සොයා ඇති රටවල් බහුතරයක් සංවර්ධනය වෙමින් පවතින රටවල් වීම සුවිශේෂත්වයක් වන අතර මේ මගින් ලංකාව පිළිබද වැරදි ප‍්‍රතිරූපයක් ජාත්‍යන්තරයට යන බව අන්තර්ජාල පරිශීලකයන් පවසයි.

එම වාර්තාවට 2012 වසරට අදාළව ලිංගිකත්වය පිළිබඳ තොරතුරු සෙවු රටවල් අතර ඉදිරියෙන් සිටින රටවල් 10 මෙසේය.

01 ශ්‍රී ලංකාව

02 ඉන්දියාව

03 පැපුවා නිව් ගිනියාව

04 ඉතියෝපියාව

05 පාකිස්තානය

06 බංගලාදේශය

07 වියට්නාමය

08 නේපාලය

09 සෝමාලියාව

10 කාම්බෝජය