Ceylon Radio
ඊයේ (05 වැනිදා) පස්‌වරුවේ සීගිරිය නැරඹීමට ගිය දෙස් විදෙස් සංචාරකයින් පිරිසකට බඹර ප්‍රහාරයක් එල්ලවී තිබේ. සීගිරිය රෝහලේ ආයතන භාර වෛද්‍ය නිලධාරි ඩි.එම්.ඩි.බි. බණ්ඩාර මහතා සඳහන් කළේ, ඉන් තුවාල ලැබූවන් 38 දෙනෙකු රෝහල්ගත කර ඇති බවයි.
ඉන් 10 දෙනෙකුගේ තත්ත්වය බරපතල බව ද ඔහු පැවසීය. තුවාලකරුවන් අතර කාන්තාවන් නව දෙනෙකු හා ළමුන් 8 දෙනෙකු ද වේ. ඒ අතර විදේශ සංචාරකයන් දෙනෙක්ද වන බව පොලිස් මාධ්‍ය ප‍්‍රකාශක පොලිස් අධිකාරි අජිත් රෝහණ මහතා පවසයි. ඔවුන් මැලේසියා සහ බි‍්‍රතාන්‍ය ජාතිකයන් බවට හදුනාගෙන ඇත.
