කූලි පදනම මත ලබාගත් මෝටර් රථ අලෙවි කිරීමේ ජාවාරමක නිරත වු කාන්තාවක හොරණ ප්‍රදේශයේ දී අත්අඩංගුවට ගෙන ඇත.
සැකකාර කාන්තාවගෙන් මෝටර් රථයක් මිලදී ගැනීම සඳහා අත්තිකාරම් මුදල් ලබාදුන් අයෙකු විසින් පොලීසියට කළ පැමිණිල්ලක් මත සිදුකළ වැටලීමකදී ඇය අත්අඩංගුවට ගෙන තිබේ.
පොලීසිය සිදුකළ වැඩිදුර ප්‍රශ්න කිරිම්වලදි අනාවරණය වී ඇත්තේ කුලී පදනම මත මෝටර් රථ ලබාදෙන ආයතන දෙකකින් ලබාගත් මෝටර් රථ ඇය විසින් මෙලෙස අලෙවි කිරීම සඳහා යොදාගෙන ඇති බවය.
ඇය විදේශ තානාපති සේවයේ නිරත බව ද පවසා ඇති අතර නිවසින් නිවසට ගොස් ඉංග්‍රීසි ටියුෂන් දීමෙහි නිරත ඇය කලක පටන් මෙම ජාවාරම කරගෙන ගොස් තිබේ.
29 හැවිරිදි සැකකාර කාන්තාව අද හොරණ මහේස්ත්‍රාත්වරයා හමුවට ඉදිරිපත් කිරීමට නියමිත ය.
හොරණ පොලීසිය වැඩිදුර විමර්ශන සිදුකරයි.
