Ceylon Radio
මෛත්‍රීපාල සිරිසේන ජනපති හා චන්ද්‍රිකා බණ්ඩාරනායක කුමාරතුංග හිටපු ජනපති අතර ඊයේ කොළඹ දී විශේෂ සාකච්ඡාවක් පැවැති බව දේශපාලන ආරංචි කියයි.
එම සාකච්ඡාවට වෙනත් කිසිවකු සහභාගී වී නැති බවත්, මහින්ද රාජපක්ෂ හිටපු ජනපතිට නාමයෝජනා දීම ගැන එහි දී සාකච්ඡා වී ඇති බවත් එම ආරංචි මාර්ග සඳහන් කරයි.මෙහිදී හිටපු ජනාධිපතිනිය විසින් යෝජනා කිහිපයක් ඉදිරිපත් කර ඇති අතර ඒවාට ප්‍රතිචාර නොදක්වන්නේ නම් දේශපාලනික තීන්දුවක් ගැනීමට සිදුවන බවද ඇය සඳහන් කර තිබේ.
මේ අතර හිටපු ජනපතිනියගේ උපන් දිනය වෙනුවෙන් ඊයේ බණ්ඩාරනායක සම්මන්ත්‍රණ ශාලාවේ උත්සවයක් පැවැති අතර, ජනාධිපතිවරයා ද සහභාගි විය.
පසුගිය සිකුරාදා රාත්‍රී මංගල සමරවීර මහතා සංවිධානය කළ සාදයට ජනපති සිරිසේන පැමිණියේ නැත.
