දයාසිරිගේ මනාප තුන් ලක්ෂය ඉක්මවයි

මෙවර පැවැති පළාත් සභා මැතිවරණයෙන් වැඩිම මනාප සංඛ්‍යාවක් ලබා ගැනීමට වයඹ පළාත් සභාවට එක්සත් ජනතා නිදහස් සන්ධානයෙන් කුරුණෑගල දිස්ත්‍රික්කයට තරග කළ දයාසිරි ජයසේකර මහතා සමත් විය.දයාසිරි ජයසේකර මහතා ලැබූ මනාප සංඛ්‍යාව 3,36,327 කි.

1993 දී හිටපු ජනාධිපතිනි චන්ද්‍රිකා බණ්ඩාරනායක කුමාරතුංග මහත්මිය බස්නාහිර පළාත් සභා මැතිවරණයෙන් ලැබූ මනාප සංඛ්‍යාව 298457 කි. ඒ අනුව වසර 35 ක පළාත් සභා මැතිවරණ ඉතිහාසය තුළ වැඩිම මනාප ලැබූ අපේක්ෂකයා බවට දයාසිරි ජයසේකර මහතා සමත් වීම විශේෂත්වයකි.

කුරුණෑගල දිස්ත්‍රික්කයෙන් දෙවැනියාට වැඩිම මනාප ලබා ඇත්තේ අමාත්‍ය ජොන්ස්ටන් ප්‍රනාන්දු මහතාගේ පුත් ජොහාන් ප්‍රනාන්දුය. ඔහු ලත් මනාප ප්‍රමාණය 1,34,443 කි. ඒ අනුව දයාසිරි ජයසේකර මහතා ජොහාන් ප්‍රනාන්දු මහතාට වඩා මනාප 2,01,784 ක් ලබාගෙන ඇත.