තෙල් ගැන හර්ෂගෙන් සහතිකයක්

ලෝක වෙළෙඳ පොළේ යම් ප්‍රමාණයකින් බොරතෙල් මිල ඉහළ නැඟ තිබු‍ණත් භූමිතෙල් පෙට්‍රල් සහ ඩීසල් මිල ඉහළ නැංවීමේ අවශ්‍යතාවයක් දැනට පැන නැඟී නැතැයි ප්‍රතිපත්ති සම්පාදන සහ ආර්ථික කටයුතු නියෝජ්‍ය අමාත්‍ය ආචාර්ය හර්ෂ ද සිල්වා මහතා පැවසීය.

පසුගිය රජය ලෝක බොරතෙල් මිල අඩුවන විට ජනතාවට එම සහනය ලබාදීමට කටයුතු නොකළ බව පැවසූ නියෝජ්‍ය අමාත්‍යවරයා එම වාසිය එම රජය ලාභයක් ලෙස තබා ගැනීමට කටයුතු කළ බව ද සඳහන් කළේය.

නමුත් වර්තමාන රජය මෙම වාසිය මහජනතාවට ලබා දී බදුවල වෙනසක් කර නැතැයි සඳහන් කළ නියෝජ්‍ය අමාත්‍යවරයා තෙල් බැරලයක් ඇමරිකානු ඩොලර් 110 – 115ත් වැනි ඉහළ තැනක තිබුණත් පසුගිය රජය එම පරතරයෙන් විශාල ප්‍රයෝජන ලබා ගත් බව පැවැසීය.

ලෝක වෙළෙඳපොළේ තෙල් මිල උච්චාවචනය වන ආකාරයට අනුව දූෂණ නැති කාර්යක්ෂම ඛනිජතෙල් සංස්ථාවක් හරහා තෙල් මිල යම් සමීකරණයකට ඉහළ පහළ යෑම ජනතාව දරාගන්නා බව තමන්ට විශ්වාස යැයි පැවසූ නියෝජ්‍ය අමාත්‍යවරයා පසුගියදා කරන ලද විශේෂ විගණනයකදී තෙල් සංස්ථාවේ කොපමණ දූෂණයක් සිදුවුණා ද යන්න හෙළිදරව් වූ බව සඳහන් කළේය.

Check Also

සිව්වැනි දිනය වැස්සට සේදෙයි

තුන්වැනි දින පස්වරුවේ ආරම්භ වූ වර්ෂාව දිගින් දිගටම පැවතීම නිසා කොළඹ පී. සරවනමුත්තු ඕවල් පිටියේදී ...

“නයිට් ක්ලබ්” හිමිකරුගේ ඝාතනයේ පරීක්ෂණ ඇරඹේ

( අතුල බණ්ඩාර ) 2015-10-25 අනුරාධපුර පොලිස් වසමේ මුදිතා මාවතේ පිහිටි රාතී‍්‍ර සමාජ ශාලාවේ හිමිකරුගේ ...