‘හායන්‘ පිලිපීනයේ දස දහසක් මරයි

හායන් නම් ප්‍රචණ්ඩ සුළි කුණාටුවෙන් බැට කෑ පිලිපීනයේ මේ වන විට දස දහසකට ආසන්න පිරිසක් දෙනා මියගොස් ලක්ෂ 8 කට ආසන්න පිරිසක් අවතැන්ව ඇතැයි වාර්තා වේ.

‘හයියන්‘ ලෙස නම් කර ඇති මේ සුළි කුණාටුව ලෝක ඉතිහාසයේ ඇතිවූ ප්‍රබලතම සුළි කුණාටු අතරික් එකක් බව සදහන්වේ. කාලගුණ විද්‍යාඥයින් මෙම සුළි කුණාටුව 5 වන ගණයට අයත් සුළි කුණාටුවක් ලෙස වර්ග කර ඇත.

සුළි කුණාටුව පැවති කාලයෙදී සුළගෙහි වේගය පැයට සැතපුම් 235 ක් පමණ වූ බව කියැවේ.

සුළි කුණාටුවෙන් වැඩිම හානි සිදුව ඇත්තේ පිලිපීනයේ ලෙයිටේ හා සමාර් යන දුපත් වලටය.එම දුූපත් වල සිට දිවිගලවාගත්තවුන් සියල්ලෝම පාහේ දැන් සිටිනුයේ අවතැන්වීය.

අවදානම් ප්‍රදේශ යැයි හදුනාගෙන තිඛෙන ප්‍රදේශවල සිටින වැසියන් මේ වන විට ආරක්ෂාකාරී ස්ථාන වෙත යොමුකෙරෙමින් පවතී.සහන සේවා කටයුතු වලට පිලිපීන හමුදා සේනාංකද යොදවා තිබේ.

කුණාටුවට හසුවූ ප්‍රදේශයන්ගේ නිවාස හා ගොඩනැගිලි සම්පූර්ණයෙන්ම පාහේ විනාශව ගොස් තිඛෙන අතර බොහෝ ප්‍රදේශයන් පවතිනුයේ ජලයෙන් යටවීය.

කාලගුණ විද්‍යාඥයින් පවසන ආකාරයට මේ වන විට හයියාන් සුළි කුණාටුව පිලිපීනය අතහැර චීනය,වියට්නාමය හා කැම්බෝඩියාව වැනි රටවල් ආසන්නයට ගමන් කරමින් පවතී.

එම රටවල සහන සේවකයින් හා හමුදා භටයින් හදිසි ආපදා තත්ත්වයක් වෙනුවෙන් සූදානමින් තබා ඇති බව සදහන්ය.

පිලිපීනයේ ලෙයිටේ දූපතේ ගස් උසට සුනාමි රළ පහර ගැලූ බවත් සුළඟේ වේගය පැයට කිලෝමීටර 175ක් වූ බවත්, නගර ගම් නියම් ගම් බලා සිටියදී විනාශ වී ගිය බවත් පොලිස් අධිකාරී එල්මර් ග්ලෝරියා කියයි.

නගරයේ වැඩි දෙනා මුහුද ගොඩ ගැලීමෙන් මිය ගිය බවත්, ගොඩනැගිලි සමතලා වී සිය ගණනක් දියේ ගිලී ගිය බවත්, ටැක්ලොමා නගරයේ උදම් රළ පහර අඩි 40ක් උසට පැමිණි බවත් වාර්තා වේ.

lankadeepa