Ceylon Radio
බස්නාහිර පළාත් සභා මන්ත්‍රිනී හිරුණිකා ප්‍රේමචන්ද්‍ර මෙනවිය අද (05) යුග දිවියට ඇතුළත් වීමට නියමිත බව ආරංචි මාර්ග පවසයි.
හිරුණිකා එම කරුණ සනාථ කරමින් සිය ෆේස්බුක් ගිණුමේ ඇයගේ හා තරුණයෙකුගේ අත්දෙක දැක්වෙන ඡායාරූපයක් පළ කර තිබේ.
ඉතා චාම් අයුරින් එම කටයුත්ත සිදුකිරීමට සැලසුම් කර තියෙන බවත් 20 දෙනෙකුට පමණ මේ අවස්ථාවට ආරාධනා කර ඇති බවත් වාර්තා වේ.
ඇය සමඟ අතිනත ගන්නේ යම් දේශපාලන ඥාතිත්වයක් හිමි රූපවාහිනි වැඩසටහනක් ඉදිරිපත් කරන මතුගම ප්‍රදේශයේ කඩවසම් තරුණයකු බව එම පවුලේ ආරංචි මාර්ග සඳහන් කරයි.
ප්‍රේම සම්බන්ධතාවක්‌ මත සිදුවන මෙම විවාහයේ සාක්‍ෂිකරුවකු වශයෙන් ජනාධිපති මෛත්‍රීපාල සිරිසේන මහතා ද අත්සන් තැබෙනු ඇතැයි ද වාර්තා වේ.
හිරුණිකා ප්‍රේමචන්ද්‍ර මෙනවිය මෙරට දේශපාලනඥයෙකු වූ භාරත ලක්ෂ්මන් ප්‍රේමචන්ද්‍ර මහතාගේ දියණියයි. ඇය දේශපාලන ක්ෂේත්‍රයේ ජනප්‍රිය තරුවක් බවට පත්වූයේ සිය පියාගේ ඝාතනයත් සමගයි. මේවන විට හිරුණිකා බස්නාහිර පළාත් සභාවේ මන්ත්‍රීවරියකි.
