කැබතිගොල්ලෑව පොලිස් බල ප්‍රදේශයට අයත් වාහලකඩ ප‍්‍රදේශයේදී වයස අවුරුදු 14 ක්වූ බාල වයස්කාර දැරියක නීත්‍යානුකූල භාරකාරත්වයෙන් අපහරණය කර තිබේ.
පසුගිය ජූලි මස 08 වන දින හා 11 වන දින අතර කාලයේදී මෙසේ නීත්‍යානුකූල භාරකාරත්වයෙන් අපහරණය කර ස්ත‍්‍රී දූෂණයක් සිදු කිරීම සම්බන්ධයෙන් ඊයේ(11) දින කැබතිගොල්ලෑව පොලිසියට වාර්තාවූ බව පොලීසිය පවසයි.
අදාළ දැරිය සැකකරු සමග පවත්වාගෙන ගිය පේ‍්‍රම සම්බන්ධතාවයක් හේතුවෙන් මෙම අපරාධයට ගොදුරු වී ඇති බව පොලිස් මාධ්‍ය ප්‍රකාශක කාර්යාලය සඳහන් කරයි.
වයස අවුරුදු 16 ක්වූ සැකකරු අත්අඩංගුවට ගෙන ඇති බවත්,හෙතෙම අද දින කැබතිගොල්ලෑව මහේස්ත‍්‍රාත් අධිකරණයට ඉදිරිපත් කිරීමට නියමිත බවත් පොලීසිය කියා සිටියි.
කැබතිගොල්ලෑව පොලිසිය වැඩිදුර විමර්ශන පවත්වාගෙන යනු ලබයි.
