ආදර බැල්ම තරුණියක බේරයි

තරුණියකට හෙළු ආදර බැල්මක් ඇයගේ ජීවිතය බේරා ගැනීමට හේතු වූ පුවතක් වාර්තා වන්නේ ඇමරිකාවේ ටෙක්සාස් ප‍්‍රාන්තයෙනි.
ඇරොන් ඒරියස් (19) හා ඔහුගේ මිතුරු ජමාල් හැරිස් (17) සිටියේ ඇරොන්ගේ මෝටර් රථයේ නැඟී නිවෙස් බලා යමිනි.මාර්ගයේ රතු එළියේ මෝටර් රථය නතර කරගෙන සිටි ඔවුන්ගේ ඇස ගැටුණේ අසළ රථයක සිටි ඇහැට කණට පෙනෙන තරුණියක වෙතය.
කොලූ කම නිසා ඇයට බැලූම් හෙළිමට හා විහිලූ තහලූ කිරීමට මිතුරන් දෙදෙන පෙළඹුණත් තරුණිය සිටිනුයේ යම් දෙයකට ඇති වු බියකින් බව තේරුම් ගැනීමට ඔවුනට වැඩි වේලාවක් ගියේ නැත.විහිලූ තහලූ කිරීම පැත්තකට දමා ඒ ගැන විපරම් කිරීමට යාමේදී තරුණිය ඔවුන් දෙසට හැරී ‘‘මා බේරාගන්න‘‘ යැයි මුමුණනු හදුනාගැනීමට මිතුරන් දෙදෙනට හැකි විය.
වහාම පොලිස් හදිසි ඇමතුම් සේවය අමතා මේ බව දැනුම්දුන් ඔවුන් කළේ තරුණිය සිටි රථය පසුපසින්ම තමන්ගේ රථයත් ධාවනය කිරීමය.මේ අතරවාරයේදී මාර්ග බාධකයක් යොදා තරුණිය සිටි රථය නතර කර ගැනීමට පොලිසියට හැකි වන්නේය.
එහිදී හෙළිවූයේ තරුණිය පැහැර ගෙන යමින් සිට ඇති බවයි.
තරුණයින් දෙදෙනාගේ ආදර බැලූම් වලට පින්සිදු වන්නට ඇයගේ දිවි බේරාගත හැකි විය.

news – Lankadeepa