Ceylon Radio
-කොළඹ වංචා විමර්ශන කාර්යාංශය මගින් රුපියල් කෝටි ගණනක මූල්‍ය වංචාවකට අදාළව කොළඹ නාගරික මන්ත්‍රීවරයකු මෙන්ම ස්‌වයං රැකියා නියුක්‌තිකයන්ගේ සම්මේලනයේ සභාපති මහින්ද කහඳගමගේ මහතා ඊයේ (09 වැනිදා) අත්අඩංගුවට ගෙන ඇත.
දේශමාමක පදික වෙළෙඳුන්ගේ ජාතික සංවිධානයේ සභාපති ඌවතැන්නේ සුමන හිමිපාණන් කළ පැමිණිල්ලකට අනුව සැකකරු කොටුකර ගත් අතර රුපියල් දහස බැගින් වෙළෙඳුන්ගෙන් කප්පම් මුදල් ලබා ගැනීම හා වෙළෙඳුන්ට ලබා දුන් ඩිමෝ බට්‌ටා ජංගම රථවලින් හා ත්‍රිරෝද රථවලින් අයථා ලෙස මුදල් ලබා ගැනීම මෙන්ම පදික වෙළෙඳුන්ගෙන් රුපියල් 50 ත් 100 ත් අතර මුදලක්‌ ලබා ගැනීම, ඇතුළු තවත් වංචා රැසකට අදාළව මොහු අත්අඩංගුවට ගෙන ඇත.
