Ceylon Radio
ජනාධිපති මහින්ද රාජපක්ෂ මහතාගේ අතේ තබාගෙන සිටින යන්ත්රරාජයාට සමාන යන්ත්රරාජයෙක් මෙවර ජනාධිපති මැතිවරණයට ඉදිරිපත්ව සිටින මෛත්රීපාල සිරිසේන මහතා ද අතේ තබාගෙන තිබේ.
විශේෂිත ගමන්වලදී සහ ජාත්යන්තර රැස්වීම් වලදී ජනාධිපතිවරයා විශේෂයෙන් මෙය භාවිතා කරයි.
දේශපාලනමය වශයෙන් පවා බොහෝ දෙනෙක් පවසන්නේ එම යන්ත්රය පැලදීමෙන් පසුව ජනාධිපතිවරයා සඳහා ජන ප්රසාදය වැඩිවී ඇති බවයි. පසුගිය දිනවල සිට ජනපති පුත් නාමල් රාජපක්ෂ මහතාද මෙය පැලද සිටී.
මේවන විට ජනාධිපති අපේක්ෂක මෛත්රීපාල සිරිසේන මහතාද සහභාගිවන සියලුම රැළි සහ විශේෂ අවස්ථාවලදී මෙය යන්ත්රරාජයා අතේ තබාගෙන සිටින අයුරු දැකගත හැකිය. මෙම යන්ත්රය හදුන්වන්නේ වජ්රා යනුවෙනි. එය අකුණ (නොවැලක්විය හැකි බලය) හා දියමන්තිය යන නම් වලින්ද හැඳින්වේ.
මෙම යන්ත්රය අධ්යාත්මික බලය පෙන්වීමේ වස්තුවක් ලෙස සඳහන් වන අතර බුදු දහමේ ජෛන ආගමේත් හින්දු ආගම් වලත් සලකුණක් ලෙස දැකිය හැකි බව පැවසෙයි. මෙය වඩාත් ප්රචලිත වන්නේ දකුණු ආසියාවේය. මේ ආයුධයක් හා සලකුණක් වශයෙන් දෙආකාරයෙන්ම භාවිතා කර ඇති බව සඳහන් වේ.
තම කාර්යයන්වල නිරත වී සිටියදී තම අත්ල තුල ගුලිකර සිට නිතර එය පිරිමැදීමෙන් එහි බලය වැඩිවන බවට ජෝතිෂ්යවේදීන්ගේ මතයයි.
