නිළි කප්පම් ගැන මාලනී හෙළිකරයි

තමා පසුගිය කාලේ ටෙලිනාට්‍ය අධ්‍යක්‍ෂණය නොකළේ එදා ජාතික රූපවාහිනියේ සිටි සංවිධානාත්මක කල්ලියකට කප්පම් දීමට තිබූ දැඩි අකමැත්ත නිසා යෑයි ප්‍රවීණ සිනමා නිළි පාර්ලිමේන්තු මන්ත්‍රිනී මාලනී ෆොන්න්සේකා මහත්මිය ඊයේ (11 දා) පැවසුවාය.

පසුගිය කාලේ ඇතැමුන් අධ්‍යක්‍ෂණය කළ ටෙලිනාට්‍ය දවසෙන් දෙකෙන් රූපවාහිනියේ විකාශනය කළා. මම මේ වැඩවලට තදින්ම විරුද්ධ වුණා. ඔවුන් මගේ ඉල්ලීමකටත් කන්නොදී මුදලට තැනදී ටෙලිනාට්‍ය ප්‍රදර්ශනය කළා. මේ අනුව පසුගිය කාලයේ ඉතා දුර්වල මට්‌ටමේ ටෙලිනාට්‍ය පවා විකාශනය වුණා.

මේ කල්ලියේ සමහරු තාමත් රූපවාහිනියේ සේවය කරනවා. එදා කරපු දේවල් ඉදිරියටත් කරන්න දෙන්න එපා කියලා කාරුණිකව ඉල්ලා සිටිනවා.

මෙම තත්ත්වය අනුව පසුගිය කාලයේ මා රඟපෑ ටෙලි නාට්‍ය පවා විකාශනය කිරීමට භාරගත්තේ නැහැ. ඊට හේතුව අසාධාරණයට එරෙහිව මා ක්‍රියා කිරීම හා ඔවුන්ට මගෙන් සල්ලි ගන්න බැරි නිසයි.

රූපවාහිනී ටෙලිනාට්‍ය විකාශනය කිරීම සඳහා මුදල් සහ ලිංගික අල්ලස්‌ ලබා ගත් බවට පසුගිය රජයේ හිටපු ඇමැතිවරයකු වෙත චෝදනා එල්ල වී තිබිණි.

Check Also

සිව්වැනි දිනය වැස්සට සේදෙයි

තුන්වැනි දින පස්වරුවේ ආරම්භ වූ වර්ෂාව දිගින් දිගටම පැවතීම නිසා කොළඹ පී. සරවනමුත්තු ඕවල් පිටියේදී ...

“නයිට් ක්ලබ්” හිමිකරුගේ ඝාතනයේ පරීක්ෂණ ඇරඹේ

( අතුල බණ්ඩාර ) 2015-10-25 අනුරාධපුර පොලිස් වසමේ මුදිතා මාවතේ පිහිටි රාතී‍්‍ර සමාජ ශාලාවේ හිමිකරුගේ ...