යතුරුපැදි ධාවනය සම්බන්ධ මාර්ග නීති රීති මේ මස 10 වැනිදා සිට කි‍්‍රයාත්මක වන පරිදි වහාම දැඩි කරන බව පොලීසිය පවසයි.
යතුරුපැදි ධාවනයේදී සිදු වන අනතුරු දිනෙන් දින ඉහළ යාම නිසා මෙම තීරණය ගෙන තිබේ.
ඒ අනුව නියමිත මංතීරුවල ධාවනය නොවීම, ආරක්ෂිත හිස් වැසුමේ නිකට පටිය තද නොකර සිටීම හා ඉදිරිය අපැහැදිලිව තිබියදී අනෙකුත් වාහන ඉස්සර කිරීම ඇතුළු මාර්ග නීතිරීති කඩකරන යතුරුපැදිකරුවන් නීතියේ රැහැනට හසු කර ගැනීමට ලබන 10 වැනිදා සිට කටයුතු කරන බව පොලීසිය නිවේදනයක් නිකුත් කරමින් දන්වා සිටියි.
