Ceylon Radio
ව්‍යවස්‌ථා සංශෝධනය සම්බන්ධයෙන් පාර්ලිමේන්තුවේ විශේෂ කුටියක පැවැති රහසිගත සාකච්ඡාවකට සවන් දීමට උත්සාහ කළ ජනාධිපති ආරක්‍ෂක අංශයේ ප්‍රධානී ජ්‍යෙෂ්ඨ නියෝජ්‍ය පොලිස්‌පති (එස්‌. ඩී. අයි. ජී.) එස්‌. එම්. වික්‍රමසිංහ මහතාට බැණ එම ස්‌ථානයෙන් ඉවත් කිරීමට ජනාධිපති මෛත්‍රීපාල සිරිසේන මහතා කටයුතු කර ඇත.
මෙම සිද්ධිය වී ඇත්තේ 19 වැනි ව්‍යවස්‌ථා සංශෝධනය සඳහා ඡන්ද විමසීම සිදුකළ පසුගිය 26 වැනිදා ය. ව්‍යවස්‌ථා සංශෝධනය සම්බන්ධයෙන් ජනාධිපති මෛත්‍රීපාල සිරිසේන, අගමැති රනිල් වික්‍රමසිංහ යන මහත්වරුන් ඇතුළු පක්‍ෂ කීපයක ප්‍රබල දේශපාලනඥයන්ගේ සහභාගීත්වයෙන් රහසිගත රැස්‌වීමක්‌ පාර්ලිමේන්තුවේ විශේෂ කුටියකදී පැවැත්විණි.
ඒ අවස්‌ථාවේ විශේෂ කුටිය වෙත ජනාධිපති ආරක්‍ෂක අංශයේ ප්‍රධානියා ඇතුළු වී සාකච්ඡාවට සවන් දෙමින් සිට ඇත.
පසුගියදා අගුණකොළපැලැස්සේ පැවැති රැස්වීමකට නාමල් රාජපක්ෂගේ ආරක්ෂකයකු පිස්තෝලයක් සහිතව පැමිණීම සම්බන්දයෙන්ද පරීක්ෂණයක් පැවැත්වෙන අතර එහිදී මෙම ආරක්ෂකයාව එම උත්සව භූමියට ඇතුල් කර ගැනීමත් පිස්තෝලයය සමඟ පොලිස් විශේෂ කාර්ය බහකායේ අත් අඩංගුවට පත් වීමෙන් පසුව ඔහුව නිදහස් කර යැවීම සම්බන්ධයෙනුත් මෙම නියෝජ්‍ය පොලිස්පතිවරයාගෙන් අපරාධ පරීක්ෂන දෙපාර්තමේන්තුව ප්‍රශ්න කරමින් සිටී.
