Ceylon Radio
-මෙවර මහ කන්නයේ ගොවීන් විසින් නිෂ්පාදනය කරන වී කිලෝව රුපියල් 50 සහ 40 අතර මිලකට මිලදී ගැනීමට ලංකාවෙ සහල් මෝල් හිමියෝ තීරණය කොට අැත. ගාමිණී ජයවික්රම පෙරේරා, කරුජයසූරිය ඇමැතිවරුන් දිවයිනේ සහල් මෝල් සංගම් නියෝජිතයින් සමඟ කොළඹ දී පැවැති රැස්වීමකදී මෙම තීරණය ගෙන ඇති අතර මෙම සාකච්ඡාවේදී එළඹි තීරණයක් මත කීරි සම්බා වී කිලෝව රුපියල් 50කටත්, සම්බා වී කිලෝව රුපියල් 45ටත්, නාඩු වර්ගයේ වී කිලෝව රුපියල් 40ටත් මිලදී ගැනීමට තීරණය කරනු ලැබ අැත.
ගොවීන්ගෙන් මිලදී ගන්නා වී සහල් කොට සහල් කිලෝව රුපියල් 70 – 80 මිලකට පවත්වාගෙන යාමට සහල් මෝල් සංගම් නියෝජිතවරු මෙහිදී එකඟතාවය පළකර ඇත.
පොළොන්නරුව දිස්ත්රික්කයේ සහල් මෝල් සංගමයේ සභාපති ගාමිණි කුමාරසිංහ මහතා මේ පිළිබඳව පැවැත්වූ මාධ්ය සාකච්ඡාවකදී කියා සිටියේ, දැනට වසා දමා ඇති සහල් මෝල් යළි නගාසිටුවීමට බැංකු මඟින් මූල්ය ආධාර ලබාදීමට ආණ්ඩුව තීරණය කර ඇති බවයි.
