Ceylon Radio
පසුගිය දෙසැම්බර් 29 වැනි සඳුදා දින සවස රාජගිරිය කළපළුවාව රංගිරි පෙදෙසේ දී තම පුතා යට කළ ඩිෆෙන්ඩර් රථය ඉන්දියානු නළු සල්මන් ඛාන් සමග පැමිණි පරිවාර රථයක් බව තමන් විශ්වාස කරන බව අනතුරට මුහුණු දුන් සචින් ප්රභාත් තිලකරත්නගේ පියා වන සුසිල් තිලකරත්න මහතා පැවසීය.
පසුගිය 29 වැනි දින වේගයෙන් පැමිණි ඩිපෙන්ඩර් රථ දෙකකින් එක් රථයක් පාරෙන් ඉවතට පැන සචින් ප්රභාත් තිලකරත්න (18) සහ ඔහුගේ පෙම්වතිය වන මනුෂි කාවින්ද්යා (17) යට කරගෙන ගොස් අසල කාණුවක හිර වී ඇත.
පසුව අදාළ ඩිපෙන්ඩර් රථයේ පැමිණි පිරිස පසුපස පැමිණි ඩිපෙන්ඩර් රථයට නැග පලාගොස් ඇති අතර අනතුරින් තුවාල ලැබූවන් දෙදෙනාම දැන් බරපතළ තත්ත්වයෙන් කොළඹ ජාතික රෝහලේ දැඩිසත්කාර ඒකකයේ ප්රතිකාර ලබයි.
තුවාල ලැබූ සචින් ප්රභාත්ගේ පියා පවසන පරිදි මේ වනවිට සචින්ගේ ප්ලිහාව ඉවත් කර ඇති අතර පෙලහලුවලට ද බරපතල ආබාධ සිදුවී ඇත.
මොළයට ලේ ගමන් කිරීම නිසා හිස්කබල විවෘත කර සැත්කමක් කළයුතු යැයි වෛද්යවරුන් පවසන බව ඒ මහතා කියා සිටින අතර තම දරුවා දැනට යන්ත්රවල ආධාරයෙන් ජීවත් වන බව ද පවසයි.
අනතුරින් තුවාල ලද මනුෂි කාවින්ද්යාගේ එක් කකුලක දනහිස විනාශ වී ඇති බව ද කොළඹ ජාතික රෝහලේ වාට්ටු අංක 73 තුළ ඇය බරපතල තත්ත්වයෙන් පසුවන බව ද ඇයගේ පියා වන එම්.කේ. සුනිල් මහතා පැවසීය.
මෙම දරුවන් දෙදෙනා ටියුෂන් පන්ති ගොස් පැමිණෙන විට මෙම අනතුර සිදු වී ඇති අතර පලාගිය ඩිපෙන්ඩර් රථය සමග තවත් රථයක් පොලීසිය විසින් අත්අඩංගුවට ගෙන ඇත.
අදාල ඩිපෙන්ඩර් රථය පැදවූවායැයි කියන රියදුරා මේ වනවිට සුලු තුවාල ලබා ජාතික රෝහලේ ප්රතිකාර ලබමින් සිටී.
මෙම රිය අනතුර පිලබඳ කළ විමසීමේදී පොලිස් මාධ්ය ප්රකාශක අජිත් රෝහණ මහතා ප්රකාශ කර ඇත්තේ, අදාල ඩිපෙන්ඩර් රථය පදවා මෙම අනතුර සිදුකර ඇත්තේ විශ්වවිද්යාල ශිෂ්යයකු බවයි.
මෙම රිය අනතුර සමග එකම අංකය සහිත ඩිපෙන්ඩර් රථ දෙකක් අත්අඩංගුවට ගන්නට ලැබුණු බව ප්රකාශ කරන ඒ මහතා ඒ ඔස්සේ පරීක්ෂණ ඉදිරියට මෙහෙයවන බව ද කියා සිටී.
අදාල ඩිපෙන්ඩර් රථයේ රියදුරා පමණක් ගමන් කර ඇතැයි ද පොලිස් මාධ්ය ප්රකාශකවරයා ප්රකාශ කරයි.
එහෙත් මෙම රිය අනතුර ගැන සුසිල් තිලකරත්න මහතා ප්රකාශ කරනුයේ අදාල රථයේ සිව් දෙනෙකු පැමිණ අති බව ප්රෙද්ශවාසීන් දැක ඇති බවයි.
රියදුරා විශ්වවිද්යාල ශිෂ්යයකු නොවන බවට තමන්ට තොරතුරු ලැබී තිඛෙන බව ප්රකාශ කරන ඒ මහතා රියදුරා රජයේ මන්ත්රීවරයෙකුගේ සේවකයෙකු බව ද කියා සිටී.
ravaya
