Ceylon Radio
පසුගිය කාලයේ නිපදවූ ටෙලි නාට්ය රූපවාහිනියේ විකාශය කිරීම සඳහා ටෙලි නාට්ය අධ්යක්ෂවරුන් සහ නිෂ්පාදකවරුන් ගෙන් රුපියල් ලක්ෂ ගණන් කප්පම් සහ නවක නිළියන්ගෙන් ලිංගික අල්ලස් ලබාගත් සංවිධානාත්මක කල්ලිය කට එරෙහිව පැමිණිලි හතරක් දැනටමත් පොලිස් විමර්ශන කණ්ඩායම්වලට ලැබී ඇතැයි පශු සම්පත් ඇමැති ප්රවීණ සිනමා නළු රන්ජන් රාමනායක මහතා ඊයේ (9 දා) ට ප්රකාශ කළේය.
තමන්ට ලැබෙන තොරතුරු අනුව මෙම කප්පම් කල්ලියට මුහුණදුන් තවත් ටෙලිනාට්ය අධ්යක්ෂවරුන්, නිෂ්පාදකවරු මෙන්ම නිළියන් කීපදෙනකුම ඉදිරි දින කීපය තුළ දිවුරුම් පෙත්සමක් භාරදීමට ක්රියාකරගෙන යන බව ද හෙතෙම කීවේය.
ඇතැම් ටෙලිනාට්ය අධ්යක්ෂවරුන් කප්පම් මුදල් දීමට ඉදිරිපත් වූ නිසා කප්පම් නොදුන් ටෙලිනාට්ය අධ්යක්ෂවරුන් හා නිෂ්පාදකවරුන් අසරණ වී ඇතැයි ද රන්ජන් රාමනායක මහතා කීවේය.
ජනමාධ්ය ඇමැති ගයන්ත කරුණාතිලක මහතා පැවසුවේ මෙම කප්පම් කල්ලියට කොටු වූ සියලුම ටෙලිනාට්ය අධ්යක්ෂවරුන්ට මෙන්ම නිෂ්පාදකවරුන්ට ජනමාධ්ය අමාත්යාංශයට ද පැමිණිලි කළ හැකි බවයි.
