Ceylon Radio
කඩින් කඩ ඇද හැලෙන වර්ෂාපතනයත් සමග මින්නේරිය සහ කවුඩුල්ල යන ජලාශවල වාන් දොරටු මේ වනවිට විවෘත කර ඇත. කවුඩුල්ල ජලාශයේ වාන් දොරටු 9 ද මින්නේරිය ජලාශයේ වාන් දොරටු 6 ද අඩි එක බැගින් මේ වන විට විවෘත කර ඇත. කවුඩුල්ල ජලාශයේ වාන් දොරටු විවෘත කිරීම නිසා ප්‍රදේශ රැසක පහත් බිම් ජලයෙන් යටවී ඇති බවට තොරතුරු අනාවරණය වන අතර එමඟින් එම ජනතාව බොහෝ සෙයින් පීඩාවට පත්ව ඇත.
කාලගුණ විද්‍යා දෙපාර්තමේන්තුව සඳහන් කරන පරිදි අද දිනයේත් පළාත් කිහිපයකට වැසි ඇතිවිය හැකි අතර මීට අමතරව මධ්‍යම කඳුකරයේ නැගෙනහිර බෑවුම් ප්‍රදේශවලට විටින් විට තද සුළං තත්ත්වයක් ද ඇතිවිය හැකි බවයි.
