තේම්ස් නදිය දෙගොඩ තලයි

වසර 250 කදී ඇදහැළුන විශාලතම වර්ෂාපතනය හේතුවෙන් බ්‍රිතාන්‍යයේ ගංගා ආශ්‍රිත ගම් දනව් බොහෝ ගණනාවක් ගංවතුරෙන් යට වීය.
මෙවන් ස්වභාවික ආපදාවක් එංගලන්තයේ මින් පෙර වාර්තාගත වී නොමැතිබව මේ දේශගුණ විශ්ලේෂකයෝ පවසති.
ඉදිරි සති කිහිපය වැස්සේ අඩුවක් පෙනෙන්නට නොමැති නිසා මෙම අයහපත් කාලගුණ තත්ත්වය සඳහා තවදුරටත් මුහුණදීමට සුදානමින් සිටින ලෙසටද ඔවුහු කියති.
අධික වර්ෂාපතනයත් පැයට සැතපුම් 100 කටත් වඩා වේගයෙන් හමාගිය මාරුතයත් හේතුවෙන් එංගලන්තය පුරා ගම් බොහෝ ගණනක විදුලිය ඇනහිටියේය.

අතර දුම්රිය හා මහාමාර්ග පද්ධතියේද විශාල අවහිරකම් සිදු විය.
නිවාස සහ කඩ සාප්පු 1,30,000 පමණ සම්පුර්ණයෙන්ම ගංවතුරෙන් යටවිය. කිසිදිනක නොසිදවූ අන්දමට ගංවතුර අනතුරු ඇඟවීම 16ක් නිකුත්කර ඇති අතර මෙම ප්‍රදේශවල ජිවත්වන සියලුම දෙනාට යුද හමුදා සහ අනෙකුත් හදිසි අනතුරු සේවාවන්ගේ උපරිම සහාය ලබාදීම සඳහා රජය කඩිනම් පියවර ගෙන ඇත.
ලන්ඩන් නුවර ඔස්සේ දිවෙන තේම්ස් නදිය වසර 60 කට පසු වාර්තාගතවූ ඉහළම ජල මට්ටම පෙන්වයි. නගරයෙන් බාහිර සියලු ගම් යට කරමින් තේමිස් නදිය දෙගොඩතලා ගියේය.